其實很多Homita都知道，底妝唔係得一個『白』字就夠，而係追求健康、乾淨、輕透，甚至最高境界就係好似無化過妝咁嘅偽素顏，讓人覺得你天生就咁靚。

呢個時候，校色底霜就可以幫到你。佢哋就好似一個調色盤，將你唔同嘅面部皮膚問題中和，而達到你希望嘅效果。因此，係購買同選用底霜之前一定要先了解每一種嘅用途，用錯可能會令面色更差喲！

黃色：提亮膚色

黃色係整體提亮，推開後顏色會非常貼近我哋原本膚色，所以非常自然。比較適合緊急修飾捱夜之後暗沉嘅面色。

粉色：改善蠟黃

粉紅色可謂最適合亞洲人嘅校色底霜，改善暗沉、蠟黃，令皮膚白裡透紅。睇上去非常健康。小編自己最常用呢款粉紅色校色底霜。如果唔需要遮瑕，我擦完遮毛孔嘅底霜後再擦粉紅色嘅校色底霜，就可以完成底妝，非常自然，非常健康，效果甚至好過再上粉底。

紫色：整體變白

紫色款會比較啱面部比較黑黃有想美白嘅人使用，用完成個人白左一度。小編本人屬於黃皮，之前好追求變白，就好鍾意用紫色底霜。但要留意，條頸最好都要擦下，不然會有色差。

綠色：修正泛紅

有啲Homita會皮膚比較敏感，面頰處容易泛紅，就好啱用綠色嚟修正。當然，仲可以局部使用，就係搽係有暗瘡嘅位都可以起到局部遮瑕嘅效果。

當然，小編我最中意校色底霜嘅地方係，搽佢唔曬卸妝呀！好方便呀！

Scourse： Etude House